నాకర్థమయిన దిగంబరతత్వం
దిగంబరుడు అంటే శివుడు. సామాన్యంలో దిగంబరుడంటే వస్త్రాలు ధరించనివాడు అని అంటుంటారు. కానీ దిగంబరుడనే పద అర్థం ప్రకారం శివుడు వస్త్రధారుడే..ఎలా
అసలు అంబరము అంటే ఆవరించి వుండేది లేదా కప్పి వుంచునది అని అర్థం. భూమిని ఆవరించి ఉండేది కాబట్టి అంబరమంటే ఆకాశమనీ, శరీరాన్ని కప్పి ఉంచేది కాబట్టి అంబరమంటే వస్త్రమనీ అర్థాలున్నై. ఈ లెక్కన దిగంబరుడంటే దిక్కులను అంబరముగా అంటే వస్త్రముగా కలిగిన వాడు అని అర్థము. మనకి నారతోనూ, దారంతోనూ తయారైనవి వస్త్రాలైతే శివుడికి దిక్కులే వస్త్రాలన్నమాట.
ముందు దిక్కులంటే ఏమిటి - తూర్పు (East), ఆగ్నేయం (South-East), దక్షిణం (South), నైఋతి (South-West), పడమర (West) వాయువ్యం (North-West), ఉత్తరం (North), ఈశాన్యం (North-East) అనే ఎనిమిదీ ...ఇవి భూమికి సమాంతరంగా ఉండేవి. ఇవి కాకుండా ఊర్థ్వ దిశ (ఆకాశం), అధోదిశ(భూమి) అనే మరో రెండు దిశలతో కలిపి మొత్తం పది. మనం భూమ్మీద నిలబడి నప్పుడు మనకు మామూలుగా కనపడే దిక్కులు ఇవీ.
ఇప్పుడు ఉదాహరణకి మనం తూర్పుకి అభిముఖంగా నిలబడి తూర్పువైపు దేన్నైనా పంపించామనుకోండి.....అది భూమికి సమాంతరంగా ప్రయాణిస్తూంటే చివరికి ఎక్కడికి చేరుతుంది... భూమి గుండ్రంగా వుంది కాబట్టి అది పడమర వైపు నుంచీ మళ్ళీ మన దగ్గరకే వస్తుంది. మరి ఈలెక్కన తూర్పేది? పడమర ఏది? (వాస్తుశాస్త్ర ప్రకారం దిక్కుల లెక్క వేరే. అది భౌతికవాద లౌకిక జీవన విధానానికి, వాతావరణ ప్రభావానుసారం చూడవలసినది. ఈ సందర్భంలో అది అప్రస్తుతం) అలాగే ఊర్థ్వ అధో దిశలను మినహాయించి మిగిలిన దిక్కులన్నీ కూడా. ఈ ఎనిమిదీ మన దగ్గరే మొదలై మరో దిశగా మనదగ్గరే అంతమౌతాయి.
ఇక మిగిలినవి ఊర్థ్వ అధో దిశలు. ఊర్థ్వదిశ మనతో మొదలై వాతావరణాన్ని దాటి ఆకాశాన్ని దాటి విశ్వాంతరాల్లో అనంతంగా సాగిపోతూ వుంటుంది. అలాగే అథోదిశ కూడా మనతో మొదలై భూమి లోపలివైపు సాగిపోతుంది. భూమి గోళాకారం కాబట్టి అథో దిశ కూడా భూగోళాన్ని దాటి విశ్వాంతరాల్లోకే సాగుతుంది. అప్పుడు తూర్పు మొదలైన ఎనిమిది దిశలూ మిగిలిన దిశలైన ఈ ఊర్థ్వ అధో దిశల్లోని భాగాలే అవుతాయి. ఇక్కడ మన సౌలభ్యం కోసం విశ్వానికి అంతం ఉందనుకుందాం. అప్పుడు విశ్వానికి చివర ఉన్నదే దిక్కు అవుతుంది.
ఇప్పుడు మళ్ళీ మనం వస్త్రరూపమేంటో చూద్దాం. వస్త్రమంటే శరీరపు అంచులను ఆవరించి ఉండేదికదా! అంటే వస్త్రంలోపల ఉండేదే కదా మన శరీరం. మరి ఇదే భావాన్ని శివుడికి అన్వయిస్తే దిక్కులే ఆయనకు వస్త్రం అన్నాం కాబట్టి దిక్కుల లోపల ఉండేదే ఆయన శరీరం. పైన వివరించిన ప్రకారం దిక్కులలోపల ఉండేది ఈ అనంత విశ్వం కాబట్టి విశ్వమంతా శివుడి శరీరంగా భావించాలి.
దీన్నిబట్టి మనమేం అర్థం చేసుకోవాలి?
శివుడు అంటే ఈ విశ్వమే. భూమి, చంద్రుడు, సూర్యుడూ, గ్రహాలు, నక్షత్రాలు, పంచభూతాలు, శూన్యం అంతా శివమే. ఈ విశ్వంలో భాగమైన మనమూ శివమే. శివం అంటే ఆనందమే.
దిగంబరుడు అంటే శివుడు. సామాన్యంలో దిగంబరుడంటే వస్త్రాలు ధరించనివాడు అని అంటుంటారు. కానీ దిగంబరుడనే పద అర్థం ప్రకారం శివుడు వస్త్రధారుడే..ఎలా
అసలు అంబరము అంటే ఆవరించి వుండేది లేదా కప్పి వుంచునది అని అర్థం. భూమిని ఆవరించి ఉండేది కాబట్టి అంబరమంటే ఆకాశమనీ, శరీరాన్ని కప్పి ఉంచేది కాబట్టి అంబరమంటే వస్త్రమనీ అర్థాలున్నై. ఈ లెక్కన దిగంబరుడంటే దిక్కులను అంబరముగా అంటే వస్త్రముగా కలిగిన వాడు అని అర్థము. మనకి నారతోనూ, దారంతోనూ తయారైనవి వస్త్రాలైతే శివుడికి దిక్కులే వస్త్రాలన్నమాట.
ముందు దిక్కులంటే ఏమిటి - తూర్పు (East), ఆగ్నేయం (South-East), దక్షిణం (South), నైఋతి (South-West), పడమర (West) వాయువ్యం (North-West), ఉత్తరం (North), ఈశాన్యం (North-East) అనే ఎనిమిదీ ...ఇవి భూమికి సమాంతరంగా ఉండేవి. ఇవి కాకుండా ఊర్థ్వ దిశ (ఆకాశం), అధోదిశ(భూమి) అనే మరో రెండు దిశలతో కలిపి మొత్తం పది. మనం భూమ్మీద నిలబడి నప్పుడు మనకు మామూలుగా కనపడే దిక్కులు ఇవీ.
ఇప్పుడు ఉదాహరణకి మనం తూర్పుకి అభిముఖంగా నిలబడి తూర్పువైపు దేన్నైనా పంపించామనుకోండి.....అది భూమికి సమాంతరంగా ప్రయాణిస్తూంటే చివరికి ఎక్కడికి చేరుతుంది... భూమి గుండ్రంగా వుంది కాబట్టి అది పడమర వైపు నుంచీ మళ్ళీ మన దగ్గరకే వస్తుంది. మరి ఈలెక్కన తూర్పేది? పడమర ఏది? (వాస్తుశాస్త్ర ప్రకారం దిక్కుల లెక్క వేరే. అది భౌతికవాద లౌకిక జీవన విధానానికి, వాతావరణ ప్రభావానుసారం చూడవలసినది. ఈ సందర్భంలో అది అప్రస్తుతం) అలాగే ఊర్థ్వ అధో దిశలను మినహాయించి మిగిలిన దిక్కులన్నీ కూడా. ఈ ఎనిమిదీ మన దగ్గరే మొదలై మరో దిశగా మనదగ్గరే అంతమౌతాయి.
ఇక మిగిలినవి ఊర్థ్వ అధో దిశలు. ఊర్థ్వదిశ మనతో మొదలై వాతావరణాన్ని దాటి ఆకాశాన్ని దాటి విశ్వాంతరాల్లో అనంతంగా సాగిపోతూ వుంటుంది. అలాగే అథోదిశ కూడా మనతో మొదలై భూమి లోపలివైపు సాగిపోతుంది. భూమి గోళాకారం కాబట్టి అథో దిశ కూడా భూగోళాన్ని దాటి విశ్వాంతరాల్లోకే సాగుతుంది. అప్పుడు తూర్పు మొదలైన ఎనిమిది దిశలూ మిగిలిన దిశలైన ఈ ఊర్థ్వ అధో దిశల్లోని భాగాలే అవుతాయి. ఇక్కడ మన సౌలభ్యం కోసం విశ్వానికి అంతం ఉందనుకుందాం. అప్పుడు విశ్వానికి చివర ఉన్నదే దిక్కు అవుతుంది.
ఇప్పుడు మళ్ళీ మనం వస్త్రరూపమేంటో చూద్దాం. వస్త్రమంటే శరీరపు అంచులను ఆవరించి ఉండేదికదా! అంటే వస్త్రంలోపల ఉండేదే కదా మన శరీరం. మరి ఇదే భావాన్ని శివుడికి అన్వయిస్తే దిక్కులే ఆయనకు వస్త్రం అన్నాం కాబట్టి దిక్కుల లోపల ఉండేదే ఆయన శరీరం. పైన వివరించిన ప్రకారం దిక్కులలోపల ఉండేది ఈ అనంత విశ్వం కాబట్టి విశ్వమంతా శివుడి శరీరంగా భావించాలి.
దీన్నిబట్టి మనమేం అర్థం చేసుకోవాలి?
శివుడు అంటే ఈ విశ్వమే. భూమి, చంద్రుడు, సూర్యుడూ, గ్రహాలు, నక్షత్రాలు, పంచభూతాలు, శూన్యం అంతా శివమే. ఈ విశ్వంలో భాగమైన మనమూ శివమే. శివం అంటే ఆనందమే.
అంతులేని ఆనందమే జీవిత పరమార్థం.
Eternal happiness is meaning of life.
- విట్టుబాబు
27/11/2017
No comments:
Post a Comment