మనిషితత్వం!

మనిషి మనిషికో మనసూ తత్వం
మనసు మనసుకో మాయా మర్మం
తనకో నీతి తనకో న్యాయం
తనదైతేనే దానం ధర్మం
తరవాతంతా వ్యర్ధమనర్ధం
స్వార్ధం కాదా తన పరమార్ధం
నేనూ నాదనె భావమె భోగం
అంతా నాదనె తనదో రోగం
అర్ధంపర్ధం లేనిదె గమ్యం
నడకో పరుగో తెలియదు దూరం
నలుగురితోనూ నడవని కష్టం
గెలుపే కాదది నీకే నష్టం
బతకడమంటే కాదిది నేస్తం
బతికించడమే గద కర్తవ్యం
నలుగురి కోసం నడిచే గమనం
నీదైనప్పుడె గొప్పది పయనం

విట్టుబాబు
04.02.2018