నేను మనిషిని!
అన్నిభాషలూ నావే
అన్ని యాసలూ నావే
అన్ని ప్రాంతాలూ నావే
నాకు కులం లేదు నాకు మతం లేదు
నేను కానిదేదీ లేదు
నేను నీ మనిషిని!!
మానవత్వానికి నేను మిత్రుణ్ణీ
రాక్షసత్వానికి శతృవుని
పసిపిల్లల చిరునవ్వుని నేను
అసమానత్వం అసలెరుగని వాణ్ణి
అసహనమా...వుంది
మనుషుల మధ్య గోడలు కట్టేవాళ్ళపై
అన్యాయాలు చేసేవాళ్ళపై
అమాయకులను దోచుకునేవాళ్ళపై
అబలలపై అత్యాచారాలు చేసేవాళ్ళపై
ప్రకృతిలోని సహజత్వాన్ని తుంచేవాళ్ళపై
అమితమైన ప్రేమా వుంది
మనిషులుగా బతికేవాళ్ళపై
స్వచ్ఛమైన మనసులపై
ఎందుకంటే
నేను ప్రపంచం మనిషిని!!!